Една земја. Безброј вкусови.

Кога ќе помислите на Аргентина, веројатно прво ќе помислите на сочни стекови, на asado – ритуалот на скара што е длабоко вкоренет во националниот идентитет. Но таа приказна продолжува со аромата на chimichurri, со слоевите на свежа пиперка печена на оган, со солени емпанади и бавни, карамелизирани десерти. Сè е автентично, сè е топло, сè е вистинско.

Аргентинската кујна е спој на европски влијанија и латинска страст. Француската техника, италијанската префинетост и шпанската боја – сето тоа споено во земја каде храната не се готви само со зачини, туку и со вредности.

Вечер што ќе ја паметите

На 12 јуни, подготвуваме специјално мени кое ќе ве прошета низ различни региони и вкусови на Аргентина – од првото залче фокача со лаванда и путер, до последната капка карамелен флан со бела чоколадна ганаш крема. Внимателно избрани парчиња месо – Prime Rib Eye и Short Ribs – ќе бидат во фокусот на вечерта, сервирани со класични сосови и богати прилози што ја заокружуваат целата приказна.

Менито го потпишува гостинскиот шеф Lisandro Grossi – аргентински гастроном кој преку својот бренд Omnivore Ibiza го пренесува вкусот на Аргентина низ целиот свет, а сега и кај нас.

Ве покануваме…

…на вечер посветена на страста, ритамот и вкусот.

12 јуни | 20:30 часот

Forza Fusion Bar & Restaurant

Цена по лице: 2.100 денари

Резервации: 02 6200 205 | 076 217 015

The post Аргентина на чинија: вечера што го носи духот на Јужна Америка во срцето на Скопје appeared first on Forza.

Перуанската кујна важи за една од најбогатите и најдинамичните гастрономии во светот. Нејзините корени се длабоки – наследени од културите на Инките, но и облагородени со влијанија од шпанската, јапонската, кинеската и африканската кујна. Тоа ја прави уникатна, полна со контрастни вкусови, свежи состојки и јадења кои истовремено се едноставни, но со длабока комплексност.

Forza Fusion го слави Перу – Peruvian Days

Како продолжение на нашата визија да ги доближиме светските вкусови во срцето на Скопје, со гордост ги најавуваме Peruvian Days во Forza Fusion – тематска гастрономска програма која ќе се одржи од 9 до 24 мај.

За ова специјално издание, наши гости се двајца врвни шефови од Перу, основачи на интернационалниот бренд La Distribuzione.

Запознајте ги гостинските шефови: Benjamin Passini & Maluchi Vivar

Chef Benjamin, со својата претприемачка енергија, долгогодишно искуство и длабоко разбирање на природните состојки, е познат по тоа што ја шири перуанската гастрономија преку мастер-класови, презентации и автентични рецепти инспирирани од традицијата на Андите.

Chef Maluchi е авторка на книга за готвење, дизајнер на гастрономски концепти и креативен глас на La Distribuzione. Нејзиниот стил е препознатлив – емотивен, топол и визуелно силен. Со неа, секое јадење е и визуелно доживување.

La Distribuzione – вкус од Андите со европски дух

Основан во 2013 година, брендот La Distribuzione не е само гастрономска приказна, туку и културна авантура. Со својата Bodega Central, сместена во срцето на Андите, тие креираат гурмански продукти и специјалитети, кои ги претставуваат низ Еквадор, Чиле, Аргентина и сега – ексклузивно во Скопје.

Од традиционални намази и сосови, до компонирани оброци што ги комбинираат јужноамериканските вкусови со естетиката на италијанскиот дизајн – La Distribuzione претставува искуство што го храни и телото и душата.

Во периодот од 9 до 24 мај, секој ден од 13:00 до 22:00 часот, Forza Fusion ќе биде домаќин на специјално креирано мени инспирирано од перуанската кујна – подготвено токму од Chef Benjamin и Chef Maluchi.

Ова е ретка можност да се допре до вкусови кои не се чести на нашата сцена – јадења кои го раскажуваат духот на Латинска Америка, изведени со техника, страст и огромно гастрономско знаење.

Следете нè наскоро ќе ви откриеме повеќе детали!

Локација: Forza Fusion Bar & Restaurant
Датум: 9 – 24 мај
Специјалитетите ќе бидат достапни секој ден од 13:00 до 22:00 часот
Резервации: 02 6200 205 | 076 217 015
Бесплатен паркинг за сите гости во подземната гаража на K-Mall

The post Перуанската кујна: култура, традиција и вкус што остава трага appeared first on Forza.

Постои едно мало парче земја на источниот брег на Медитеранот, кое низ вековите успеало да го зачува едно од најбогатите гастрономски наследства на светот – Либан. Таму, храната не е само потреба. Таа е поезија, ритуал, причина да се собереш со луѓето што ги сакаш.

Кога храната станува начин на живеење

Секој што некогаш седнал на либанска трпеза знае – тоа не е оброк, тоа е мезе. Долг, лежерен чин на споделување, каде се сервираат десетици мали чинии, секоја со своја приказна. Хумус, баба гануш, фатуш, табуле, лабне – имиња што звучат како песни и вкусови што остануваат долго по последниот залак.

Но Либан не нè освојува само со вкусот. Тој заведува со хармонијата на состојките – свежината на ментата, киселоста на лимоновиот сок, длабочината на заатарот и топлината на маслиновото масло. Тоа е кујна што не претерува, туку внимателно балансира. Не се крие зад тешки сосови – напротив, нејзината моќ е во едноставноста.

Либанско правило: „Не одиш гладен од куќа“

Во Либан важи едно непишано правило: ако некој те покани на ручек, одбивањето се смета за речиси навреда. Се вели дека дури и ако им кажеш дека си веќе јадел, тие ќе ти послужат уште повеќе – не зашто си гладен, туку зашто така покажуваат почит и добредојде.

Во многу либански домови, трпезата не се подготвува само за членовите на семејството. Таа е секогаш со еден таен план: „Можеби ќе ни дојде некој.“ И ако дојде – има што да јаде. Храната таму не се брои во порции, туку во насмевки. Таа е гест на гостопримство, знак дека си прифатен. Не како гостин. Туку како свој.

Од Бејрут до Скопје – на една трпеза

На 26 април, токму тој дух ќе оживее кај нас, во Forza Fusion, преку гостувањето на шеф Jad Ziade – гастрономски маестро со над 17 години искуство, кој има готвено за кралски семејства, бил шеф на јахти низ Медитеранот, и консултант во Бали, Швајцарија и Африка.

За оваа специјална вечер, Forza Fusion заедно со шеф Jad Ziade креираше мени што го раскажува Либан – залак по залак.
Од Fattoush со заатар, преку пушен хумус и кремаста мухамара, до специјално филе од морски лаврак со тахини сос и батати во ориентални зачини – ова мени не е само оброк, туку патување.

А десертот?
Mouhalabiyeh, традиционален млечен пудинг со розова вода и шамфистици, ќе ве убеди дека понекогаш, вистинската магија доаѓа тивко – во последниот залак.

Само 100 места. Само една вечер.

Ова не е само тематска вечера – ова е вечер на култура, вкусови и гастрономски дух. Момент за уживање, запознавање и инспирација. Ако сте љубител на автентични вкусови, култури и нови доживувања – резервирајте навреме.

Резервирај ја својата маса и доживеј ја Либанската кујна како никогаш досега.

The post Либан на чинија: Приказна за кујна што ја раскажува душата на Истокот appeared first on Forza.

Asian Night in Forza Wine Bar & Restaurant 

На 13-ти јули 2023 година, нашето ресторанот беше претворено во вистински азиски рај!

Со почеток од 20:15 часот, гостите имаа уникатна прилика да се потопат во мистичниот свет на азиската кујна.

Ова гастрономско патување ги собра различните култури и традиции на Азија, претставувајќи ги во форма на разноврсно мени полно со шаренило од вкусови и ароми. Најпознатите азиски јадења беа внимателно избрани за да понудат автентично доживување, кое ги однесе нашите гости на незаборавно патување преку различните региони на Азија.

Со секој залак, нашите гости уживаа во уникатниот спој на зачинети и свежи состојки кои го прават вкусот на азиската кујна толку посебен. Моментите на оваа вечер беа исполнети со боите, мирисите и вкусот на далечните азиски земји. 

The post Asian Night (13.07.2023) appeared first on Forza.