„Со повеќе од 18 години искуство во медитеранската, тајландската и латино кујна, мојата кариера ме одведе низ некои од најреномираните ресторани, како Marina Sani Beach, Mezen и Massalia во Солун. Моето готвачко искуство се гради врз спојот на традиционални техники и современи пристапи, овозможувајќи ми да создадам свој уникатен стил во гастрономијата.
Последните четири години активно се посветувам на едукација, предавајќи кулинарски вештини во стручни училишта. Моите програми се засноваат на практични семинари, каде што учесниците минуваат низ целиот процес – од избор на состојки до создавање комплетни јадења. Моја цел е да понудам уникатно гастрономско искуство што ги комбинира теоријата, практиката и вистинското уживање во кулинарската уметност.,,
„Во ресторанот Форца бев испратен на седумдневна завршна пракса од моето угостителско училиште. Веднаш по завршувањето на праксата, добив понуда за вработување. Да бидам искрен, не ни помислував дека Форца ќе стане мојата животна школа за кулинарски вештини и професионален развој.
Искуството што го стекнав низ годините во Форца ми овозможи да работам на различни места во ХоРеКа индустријата. Каде и да отидев, сфаќав колку значајно било тоа што сум го поминал во Форца, градејќи се како професионалец. Бев подготвен за секој предизвик и сфатив дека сето она што сум го научил овде, можам да го применам насекаде. Ниту едно друго место не можеше да ми понуди такво животно искуство.
Од помошник готвач, до одговорен за целиот PAN сектор – денес повторно сум дел од тимот на Форца, каде се грижам за целиот процес на подготовка на јадењата. Благодарен сум на сите што работеа со мене и ми помогнаа да го научам секој аспект на угостителството – од хигиена до квалитетна подготовка на храна и интернационални јадења.“
„Мојата кариера започна во мал бутик, а потоа 14 години работев во Скопски Пазар во различни улоги – од продавач на сувомеснати производи до заменик шеф и дел од топлотеката. Но, вистинската љубов кон кујната ја открив во Форца.
Веќе десет години сум дел од тимот, каде што постојано напредувам. Благодарение на шефовите и колегите, го усовршив секој аспект од подготовката на јадења, а преку обуката во Грција (Cooking Workshop Consulting PRO) го надградив знаењето за салати.
Кујната не е само работа – таа е вештина, динамика и тимски дух. Секогаш се трудам храната да се искористи домаќински и ништо да не оди залудно. Имам и HACCP сертификат и можам да помогнам во секој сектор.
Она што најмногу го ценам во Форца е балансот – динамична средина, но и стабилност со редовен одмор и слободни денови. За секој што сака професионален развој во угостителството – ова е вистинското место.“
СТАНИ ФОРЦА ШЕФ е интензивна обука наменета за сите лица кои сакаат да напредуваат професионално во кулинарството и да станат шефови на кујна, независно дали моментално имаат или претходно имале искуство како готвачи, салатери или се ентузијасти за готвење. Обуката е во организација на етаблираниот Ресторан Форца (Forza Wine Bar & Restaurant and Forza Fusion Bar & Restaurant), а нејзината цел е да им помогне на сите лица кои сакаат да ги усовршуваат своите знаења во една професионална работна средина, користејќи современа опрема и искуство од домашни и интернационални шефови на кујна.
Обуката е бесплатна само за оние лица кои по завршувањето на истата ќе се приклучат на тимот на Форца. Постои можност да се следи обуката и со партиципација, но предност ќе им се даде на оние кандидатите кои ќе ја следат бесплатно со цел да станат дел од нашиот тим на готвачи.
Обуката е предвидена да трае два месеци, почнувајќи од мај месец и опфаќа клучни кулинарски техники, од основи на готвење и безбедност на храна до специјализирани методи на пржење, печење и модерен начин на сервирање. Програмата вклучува работа во различни сектори на кујната, како што се подготовка на салати и ладни предјадења, топла кујна, грил, пржење и финиширање на јадењата. Обуката е целосно практична и се одвива во професионална кујна со современа опрема, под менторство на искусни шефови.
Сите полнолетни и возрасни лица кои имале било какво досегашно искуство во кујна независно од кој сектор доаѓаат или моментално работат, како и студенти или ентузијасти по готвење кои сакаат да започнат кариера во кулинарскиот свет.
Пријавата е електронска, достапна на оваа страна и следниов линк: тука.
Обуката е ограничена на групи од по 5 учесници, што овозможува индивидуален пристап и внимателно менторство. При изборот на кандидатите се води сметка за нивната страст за кулинарството, желбата за професионален развој и претходно искуство (иако не е задолжително). Предност ќе им се даде на оние кандидати кои сакаат да станат дел од тимот на Форца и кои имаат основни знаења за готвење или работа во кујна, како и ентузијазам за учење нови техники и стекнување искуство во професионална средина.
Доколку сте пополниле пријава, ќе бидете контактирани од нашите одговорни лица во најбрз можен период. Некои известувања можат да бидат испратени и на вашата e-mail адреса. За повеќе информации, побарајте нѐ на: vajnmasters@gmail.com
Сите кандидати кои ја следеле бесплатно обуката имаат поедеднаква можност да бидат вработени и станат дел од нашиот тим на готвачи.
Обуката е предвидена да се одржува во периоди од 9:00 до 17:00 часот.
Да, доколку имате желба и амбиција да се приклучите на нашиот тим, оваа обука ја добивате бесплатно и по нејзиното завршување вашиот работен статус ќе биде регулиран согласно заемниот договор.
